Ізтұрған Сариев

Ізтұрған Сариев (1926, Атырау облысы, Жылыой ауданы, Ақкиізтоғай ауылы) – ішкі істер қызметкері, полковник. Гурьев (қазіргі Атырау) мұнай техникумын (1948), ҚазМУ-дың (қазіргі ҚазҰУ) заң факультетін бітірген (1958). 1942 – 89 ж. Ұшқан мұнай барлау экспедициясында, Ішкі істер министірінің жүйесінде жұмыс істеді. 1995 ж. ОГПУ, НКВД құжаттары негізінде полковник Мұқаш Омаровпен бірігіп жазған Адай көтерілісі туралы «Ойрандалған адай даласы» атты деректі кітабы жарық көрді. «Хан Тобанияз» деген тарихи очеркі (1995), «Үш жүздің шежіресі» (1997), «Курсанттан министрге дейін» (1998), «Қанды ойран» (2001) атты кітаптардың авторы. «КСРО Ішкі істер министірінің еңбегі сіңген қызметкері» белгісімен, бірнеше медальдармен марапатталған.