Азаматтарға арналған үкімет
Азаматтарға арналған үкімет — мемлекеттiк қызмет көрсету саласында қызметтердi «бiр терезе» қағидаты бойынша жүзеге асыратын Қазақстан Республикасындағы бiрегей провайдер.
"Азаматтарға арналған үкімет" мемлекеттік корпорациясы | |
Түрі | |
---|---|
Қызметі |
“бір терезе” қағидаты бойынша мемлекеттік қызмет көрсету |
Құрылды | |
Орналасуы | |
Басты адамдары |
Басқарма төрағасы - Арман Шоқанұлы Кенжеғалиев
|
Сайты |
Корпорацияның жалғыз акционері — ҚР Цифрлық даму, инновациялар және аэроғарыш өнеркәсібі министрлігі. Ал құрылтайшысы ҚР Қаржы министрлігінің Мемлекеттік мүлік және жекешелендіру комитеті атынан Қазақстан Республикасының Үкіметі болып табылады.
Құрылу тарихы өңдеу
Қазақстан Республикасы Президентінің 2015 жылғы 20 мамырдағы «100 нақты қадам» бағдарламасына енгізілген қадамдардың бірі - "Азаматтарға арналған үкімет" мемлекеттік корпорациясын құру болды. Мемлекеттік корпорация Канададағы Canada Service және Австралиядағы Centrelink үлгісі бойынша барлық халыққа қызмет көрсету орталықтарын бір жүйеге біріктіру арқылы мемлекеттік қызмет көрсетудің бірыңғай провайдеріне айналып, Қазақстан азаматтарына мемлекеттік қызметтерді бір жерден алуға мүмкіндік береді.
Қазақстан Республикасы Үкіметінің 2016 жылғы 29 қаңтардағы №39 қаулысында ҚР Инвестициялар және даму министрлігі Байланыс, ақпараттандыру және ақпарат комитетінің «Халыққа қызмет көрсету орталығы», ҚР Әділет министрлігінің «Жылжымайтын мүлік орталығы», ҚР Ұлттық экономика министрлігі Құрылыс, тұрғын үй-коммуналдық шаруашылық істері және жер ресурстарын басқару комитетінің «Жер кадастры ғылыми-өндірістік орталығы» шаруашылық жүргізу құқығындағы республикалық мемлекеттік кәсіпорындары және ҚР Денсаулық сақтау және әлеуметтік даму министрлiгінiң «Зейнетақы төлеу жөніндегі мемлекеттік орталығы» мемлекеттік қазыналық кәсіпорнын біріктіріп, жарғылық капиталына мемлекет 100% қатысатын «Азаматтарға арналған үкімет» мемлекеттік корпорациясы» коммерциялық емес акционерлік қоғамын құру туралы айтылды.
2016 жылы 7 сәуірде ҚР Үкіметінің осы қаулысы негізінде аталған мемлекеттік кәсіпорындарды қайта құру арқылы «Азаматтарға арналған үкімет» мемлекеттік корпорациясы» коммерциялық емес акционерлік қоғамы құрылды.
2023 жылы 1 шілдеден бастап Азаматтық хал актілерін тіркеу қызметі (АХАТ) жергілікті атқарушы органдардан «Азаматтарға арналған үкімет» мемлекеттік корпорациясына берілді. Бұл ретте некені тіркеу үшін өтініш беру рәсімі өзгеріссіз қалды. Оны аудандық және қалалық АХАТ бөлімдері орындайды. АХАТ функциясының мемлекеттік корпорацияға берілудегі басты себептің бірі – АХАТ электронды базасында жүргізілген цифрландырудың сапасыздығы болды.
Департаменттері өңдеу
- Персоналды басқару департаменті
- Бақылау-ұйымдастыру және құжаттамалық қамтамасыз ету департаменті
- Заң жұмысы және мемлекеттік сатып алу департаменті
- Әкімшілік-шаруашылық қызмет департаменті
- Бухгалтерлік есеп департаменті
- Экономика департаменті
- Жер кадастры департаменті
- Бірыңғай мемлекеттік жылжымайтын мүлік кадастры департаменті
- Тіркеу қызметі департаменті
- Мониторинг және әлеуметтік әріптестік департаменті
- Жылжымайтын мүлік департаменті
- «E-Өтініш» пен «Нәтиже» жобаларын сүйемелдеу және үйлестіру департаменті
- ХҚКО дамыту департаменті
- Мамандандырылған ХҚКО дамыту департаменті
- IT және цифрландыру департаменті
- Фронт-офистерді бақылау департаменті
Қызметтері өңдеу
- мемлекеттік көрсетілетін қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету
- "бір терезе" қағидаты бойынша қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру
- электрондық нысанда мемлекеттік қызметтерді көрсету
- орналасқан жері бойынша жылжымайтын мүлікке құқықтарды мемлекеттік тіркеу
- коммерциялық ұйымдар болып табылатын заңды тұлғаларды мемлекеттік тіркеу және олардың филиалдары мен өкiлдiктерін есептік тіркеу[1]
Жұмыс уақыты өңдеу
Өтініштерді қабылдау және мемлекеттік көрсетілетін қызметтердің дайын нәтижелерін беру Мемлекеттік корпорация арқылы Қазақстан Республикасының Еңбек кодексіне сәйкес демалыс және мерекелік күндерден басқа, дүйсенбіден бастап жұманы қоса алғанда үзіліссіз сағат 9.00-ден 18.00-ге дейін, Мемлекеттік корпорацияның халыққа қызмет көрсететін кезекші бөлімдері дүйсенбіден бастап жұманы қоса алғанда сағат 9.00-ден 20.00-ге дейін және сенбі күні сағат 9.00-ден 13.00-ге дейін жүзеге асырылады.
Басқарма төрағалары өңдеу
- Данияр Қағазбекұлы Ереншінов (2016-2017)
- Абылайхан Есенұлы Оспанов (2017-2019)
- Әсемгүл Серікқызы Балташева (2019-2021)
- Әділ Ғалымжанұлы Қожықов (2021-2022)
- Сүйеніш Төлеуханұлы Әбділдин (2022-2023)
- Арман Шоқанұлы Кенжеғалиев (2023-)
Филиалдары өңдеу
Республиканың 3 қаласы мен барлық облыс орталығында корпорацияның филиалы жұмыс істейді.
Филиал | Мекенжайы |
---|---|
Алматы қаласы бойынша филиалы | Абай даңғылы №111 |
Астана қаласы бойынша филиалы | Желтоқсан көшесі №25 |
Шымкент қаласы бойынша филиалы | Дулати көшесі №3 |
Абай облысы бойынша филиалы | Семей қаласы, Ұранхаев көшесі №57 |
Ақмола облысы бойынша филиалы | Көкшетау қаласы, Сәтбаев көшесі №9 |
Ақтөбе облысы бойынша филиалы | Ақтөбе қаласы, Сәңкібай батыр даңғылы №249 |
Алматы облысы бойынша филиалы | Қонаев қаласы, Қонаев даңғылы №41 |
Атырау облысы бойынша филиалы | Атырау қаласы, Әбілқайыр хан даңғылы №66/2 |
БҚО бойынша филиалы | Орал қаласы, Жамбыл көшесі №81 |
Жамбыл облысы бойынша филиалы | Тараз қаласы, Төле би даңғылы №69 |
Жетісу облысы бойынша филиалы | Талдықорған қаласы, Назарбаев даңғылы №67Б |
Қарағанды облысы бойынша филиалы | Қарағанды қаласы, Шахтерлер даңғылы №5/2 |
Қостанай облысы бойынша филиалы | Қостанай қаласы, Амангелді көшесі №93А |
Қызылорда облысы бойынша филиалы | Қызылорда қаласы, Абай даңғылы №48 |
Маңғыстау облысы бойынша филиалы | Ақтау қаласы, 15 шағын аудан №67Б |
Павлодар облысы бойынша филиалы | Павлодар қаласы, Жеңіс алаңы №17 |
СҚО бойынша филиалы | Петропавл қаласы, Интернационал көшесі №70 |
Түркістан облысы бойынша филиалы | Түркістан қаласы, 160 орам №236 |
Ұлытау облысы бойынша филиалы | Жезқазған қаласы, Холмецкий көшесі №80А |
ШҚО бойынша филиалы | Өскемен қаласы, Шәкәрім даңғылы №152 |
Халыққа қызмет көрсету орталығының даму тарихы өңдеу
2005 жылғы 18 ақпандағы Қазақстан Президенті Н.Ә.Назарбаевтың Қазақстан халқына Жолдауында «бір терезе» қағидасы бойынша халыққа қызмет көрсететін орталық ашу көзделді.[3]
Бір жерде ғана төлқұжат тіркеп, салық төлеушінің есептік нөмірі, жүргізуші куәлігі және т.б. құжаттар ала алатын, «жалғыз терезе» қағидасы бойынша тұрғындарға қызмет көрсететін орталықтар құру. Тәжірибе ретінде биыл Астана мен Алматыға осыны жасап көру керек. |
2005 жылы 24 мамырда Үкімет қаулысымен пилоттық жоба ретінде Астана қаласында 2 және Алматы қаласында 6 халыққа қызмет көрсету орталығы ұйымдастырылды.[4]
2007 жылы 5 қаңтарда Үкімет қаулысымен Әдiлет министрлiгiнiң мемлекеттiк мекемелерi — халыққа қызмет көрсету орталықтары (ХҚКО) құрылды. Сол кезде республиканың 16 қаласында алғашқы 30 ХҚКО жұмыс істей бастады.[5]
2011 жылы 11 қарашада Үкімет қаулысымен Байланыс және ақпарат министрлігінің комитетіне қарайтын «Халыққа қызмет көрсету орталығы» шаруашылық жүргізу құқығындағы республикалық мемлекеттік кәсіпорны құрылды. Кәсіпорын сол кезде болған 25 республикалық мемлекеттік мекемені біріктірді.[6]
2012 жылы 8 желтоқсанда Президент жолдауына орай Қарағанды қаласында автокөліктерді тіркеу және жүргізуші куәлігін беру қызметтерін көрсететін елдегі алғашқы мамандандырылған халыққа қызмет көрсету орталығы ашылды.[7]
Халыққа қызмет көрсету орталықтарының саны өңдеу
Облыс | Халыққа қызмет көрсету орталығы | Мамандандырылған халыққа қызмет көрсету орталығы |
---|---|---|
Абай | 12 | 1 |
Ақмола | 22 | 1 |
Ақтөбе | 17 | 1 |
Алматы | 11 | 2 |
Атырау | 10 | 1 |
Батыс Қазақстан | 16 | 1 |
Жамбыл | 14 | 2 |
Жетісу | 10 | 1 |
Қарағанды | 19 | 1 |
Қостанай | 25 | 1 |
Қызылорда | 12 | 1 |
Маңғыстау | 9 | 1 |
Павлодар | 14 | 1 |
Солтүстік Қазақстан | 16 | 1 |
Түркістан | 22 | 4 |
Ұлытау | 6 | - |
Шығыс Қазақстан | 13 | 1 |
Алматы қаласы | 8 | 4 |
Астана қаласы | 7 | 2 |
Шымкент қаласы | 7 | 4 |
Дереккөздер өңдеу
- ↑ "Азаматтарға арналған үкімет" мемлекеттік корпорациясының қызметі қағидаларын бекіту туралы
- ↑ Мекенжай мен байланыс деректері
- ↑ ҚАЗАҚСТАН ЭКОНОМИКАЛЫҚ, ӘЛЕУМЕТТІК ЖӘНЕ САЯСИ ЖЕДЕЛ ЖАҢАРУ ЖОЛЫНДА. Қазақстан Республикасының Президенті Н.Ә.Назарбаевтың Қазақстан халқына Жолдауы. 2005 жылғы 16 ақпан
- ↑ "Жалғыз терезе" қағидаты бойынша халыққа мемлекеттiк қызмет көрсету туралы
- ↑ Қазақстан Республикасы Әдiлет министрлiгiнiң мемлекеттiк мекемелерiн - халыққа қызмет көрсету орталықтарын құру туралы
- ↑ Халыққа қызмет көрсету орталықтарының қызметін оңтайландыру жөніндегі кейбір шаралар туралы
- ↑ Қарағандыда мамандандырылған ХҚКО ашылды
- ↑ ХҚКО және мамандандырылған ХҚКО мекенжайлары