Юрий Исаакович Александров

Александров Юрий Исаакович (7.2.1950 жылы туған, қазіргі Санкт-Петербург қаласы) – режиссер, РФ - інің еңбек сіңірген өнер қайраткері (1997 жылы).

Лениград (қазіргі Санкт-Петербург) қаласындағы мемекеттік. консерваторияның фортепьяно класын (1974 жылы) және режиссер (1977 жылы) ретінде бітірген.

1977 жылдан осы қаладағы Мемлекеттік академиялық опера және балет театрында (қазіргі Мария театры) қызмет етіп, опералық спектакльдерді (Г.Доницетти, “Дон Паскуале”, Дж. Пуччини, “Мадам Баттерфляй”, т.б.), сонымен қатар Мемлекет камералық музыка театрында (қазіргі “Санкт-Петербург - Опера”) П.И. Чайковскийдің “Евгений Онегині” мен М.П. Мусоргскийдің “Борис Годуновын” қойды. Түркия Опералық театрлары Бас дирекциясымен тұрақты келісім - шарт бойынша Р.Вагнердің “Лоэнгрин”, Дж. Вердидің “Отелло”, Ж.Массненің “Вертер”, А.П. Бородиннің “Князь Игорь” операларын да қойған. Александров Қазақстан театрларының сахнасына Е.Рахмадиевтің “Абылайхан” (2000 жылы), Дж. Пуччинидің “Турандот” (2006 жылы; екеуі де Қазақтың мемлекеттік академиясының опера және балет театрында), Дж. Вердидің “Травиата” (2000 жылы), “Риголетто” (2005 жылы) мен “Аида” (2007 жылы), Пуччинидің “Чио-Чио-сан” (2001 жылы) мен “Тоска” (2005 жылы), В.А. Моцарттың “Фигароның үйленуі” (2002 жылы), П.И. Чайковскийдің “Евгений Онегин” (2003 жылы), Р.Вагнердің “Вертер” (2004 жылы; бәрі де Қазақтың Ұлттық опера театрында, Астана қаласы), И.Кальманның “Сильва” (2004 жылы, Қарағандының мемлекеттік академиясынығ музыкалы комедия театры) операларын шығарды.

1997 жылы Александров музыка театрындағы “режисcер таңдаулы қойылымы” үшін “Алтын софит” атты Санкт-Петербургтің жоғары театр сыйлығының лауреаты атанды.

Қазақстан Республиканың Мемлекеттңк сыйлығының лауреаты (2006 жылы). Ресейдің және Қазақстанның (2005 жылы) Достық ордендерімен марапатталған.