Анабазин C10H14N2жапырақсыз бүлдіргенде және темекіде кездесетін алкалоид. Изомері – никотин. Суда, жарықта сарғаятын түссіз тұтқыр сұйық, қайнау температурасы 276°С. Суда, органикалық ерітінділерде жақсы ериді, тұздар түзеді. Анабазин – улы зат, улылығы 5,0 – 10,2 мг/кг. Оның организмге әсері никотиндей ганглионарлы. Аз мөлшерде орталық жүйке жүйесін қоздырады. Нәтижесінде тыныс алуды жиілетіп, артериялық қан қысымын көбейтеді. Тері арқылы денеге жеңіл сіңіп, уландырады. Анабазиннің хлор-сутекті тұзы темекі тарту әдетін қойдыруға жақсы әсер етеді. Анабазин сульфатты инсектицид ретінде, сондай-ақ малдарды емдеуге қолданылады. Бірақ Анабазиннің улылығы жоғары болғандықтан өндіруге тыйым салынған. [1]

Сілтеме өңдеу

  1. Қазақстан Республикасының табиғаты, 7 том;