Араукария
АРАУКАРИЯ (АRAUCARIA) – өзінің ине секілді қылқанды жапырақтарымен көпке таныс өсімдік. Оның «үй шыршасы» деген қосымша аты бар. Үй жағдайында өте жай өседі. Мәдени түрде өсіріліп жүрген түрлерінің басым көпшілігі “Чили араукариясы” (Araucaria araucana). Ол табиғатта Аргентинаның Чили тауларында өседі, биіктігі 50 метрге дейін жететін алып ағаш. Табиғаттағы араукарияның бір бұтағының ұзындығының өзі 6-7 метр және қылқандары да жуан болады. Ғалымдардың пайымдауынша араукария 2000 жылға дейін өмір сүреді. Ол мәдени түрде қолданысқа 1795 жылдан бастап еніп, өсіріліп келеді. Еуропа халқы араукарияны «Жаңа жыл шыршасы» ретінде көп қолданады және қала көгалдандыруға да пайдаланады. Ал, ол еліміздің гүл мәдениетіне жаңадан енген, әлі де болса кең таралып үлгермеген экзотикалық өсімдік болып саналады. Тіке түскен күн көзінен сақтау қажет, жарық және алакөлеңкеде өседі.
| Араукария | ||||||||
|---|---|---|---|---|---|---|---|---|
 | ||||||||
| Ғылыми топтастыруы | ||||||||
|
Ауа температурасы жыл мезгіліне қарамастан 16-18 0С-тан төмен болмауы қажет.
Суғарылуы: өңдеу
Топырағының үнемі ылғалды болып тұрғанын қаламайды. Сол себепті сирек суғарған жөн.
Ылғалдылығы: өңдеу
Үй жағдайындағы араукарияны жасанды жолмен ылғалдандырып отыру қажет. Ол үшін күніне бір рет қылқандарына су бүркіп тұрса жетіп жатыр.
Қоректендірілуі: өңдеу
Көктем, жаз кездерінде екі аптада бір рет органикалық тыңайтқышпен қоректендіріп тұрса, қылқанының түсі қанық болады.
Аурулары: өңдеу
Ауа мөлшеріден тыс құрғап кеткен жағдайда төменгі қылқандары сарғайып түсе бастайды. Ауруға көп шалдықпайды. Өте сирек жағдайларда ғана тамырына құрт түсуі мүмкін.
Көбейтілуі: өңдеу
Арнайы мамандар болмаса, үй жағдайында көбейту қиын. Сондықтан дайын көшетін сатып алған тиімді.
Сілтемелер өңдеу
- Гүлстан, өсімдіктер туралы сайт Мұрағатталған 20 ақпанның 2012 жылы.
Дереккөздер өңдеу
"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727