Атаққұмарлық

Атаққұмарлық немесе Амбиция — адам бойындағы мансапқа, даңққа қызығушылық, өркөкіректік пен өзімшілдік қасиет. Мансапқұмарлыққа ұқсас. Атаққұмарлыққа шалдыққан адам өз бойындағы іскерлік, білімділік, парасаттылық қабілеттерінің бар-жоғымен санаспай, қалайда жоғары атаққа, лауазымды қызметке қол жеткізуді мақсат тұтады. Ол қызметі мен беделі жоғары адамдар алдында өзін өзгелерден ерекше көрсету үшін жағымпаздық жасайды. Көңіліне ұнамаған адамдар жайында өтірік-өсек тарату арқылы күншілдік пен қызғаншақтық көрсетеді.

Амбиция - өзін-өзі сүю, өзіне сенушілік, басқа адамдарға деген жағымсыз қатынас, олардың күші мен жағдайларына сенбеушіліктің күшеюі. Амбиция адамдардың жанұяда, ұжымында қатынастарын қиындатады.