Ақтөбекүйік-2

Ақтөбекүйік-2 - ежелгі қоныс. Қоғам аулынан солтүстікке карай 12,5 км жерде. 1970 жылы Отырар археологиялық экспедициясы (жетекші К.Ақышев) зерттеген. Қазіргі орны жалпы диаметрі 120 м төбе. Ең биік жағының диаметрі 30 м, биіктігі 4 метр Төбеге оңтүстік-батыс жақтан биіктігі 2 м алаңқай- төбешік жалғаса орналасқан. Қазба жұмыстары жүргізілмеген. Зерттеу барысында қыш ыдыс сынықтары (хум, ұстағышы бар құмыра, екі ұстағышты ыдыстар, т. б.), екі дәнүккіш, тас өзектері табылған. Алынған материалдарға қарағанда қонысты халық 1—4 ғасырларда мекендеген. Олар егін егіп, мал өсірумен шұғылданған.