Байғабыл Жылқыбайұлы
Байғабыл Жылқыбайұлы (1894, қазіргі Павлодар облысы Ақсу ауданы Құркөл ауылы - 1977, сонда) - әнші, домбырашы, актер. Жылқыбайұлы Баянауылдажәрмеңкеде ән айтумен көпшілікке танылған. 1940 жылдан Павлодар облысы Бесқарағай колхоз-совхоз театрында режиссер ретінде қызмет етіп, көптеген спектакльдер қойды. Актер ретінде Шеге, Қарабай (Ғ.Мүсіреповтің "Қыз Жібегі" мен "Қозы Көрпеш - Баян сұлуында"), Еспембет, Көтібар (М.Әуезовтің "Еңлік - Кебек" пен "Айман - Шолпанында"), т.б. рольдерді орындады. 1992 ж. Павлодар облысы Ақсу ауданы Мәдениет үйіне Жылқыбайұлының есімі берілді.[1]
Дереккөздер өңдеу
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965260958
Бұл мақаланы Уикипедия сапа талаптарына лайықты болуы үшін уикилендіру қажет. |