Бекболат Екешұлы мен Байдәулет Бөріұлы елшілігі

Бекболат Екешұлы мен Байдәулет Бөріұлы елшілігі - Қайып ханның 1716 ж. қыркүйекте Сібір генерал-губернаторы М.П. Гагаринге жіберген елшілігі. Хан бұл елшілікке өзінің Ресеймен бейбіт қарым-қатынаста болуды, жоңғарларға қарсы бірлесіп күресу жөніндегі келісімге келуді қалайтынын Тобылдағы Ресей өкіметі органдарына жеткізуді тапсырды. Сонымен бірге елшілік Қайып ханның екі ел арасындағы қарым-қатынасқа нұқсан келтіретін жағдайларды болдырмауға тырысатынын, Қазақ Ордасының Ресеймен саудасаттық жасауға мүдделі екендігін жеткізді. Бұл елшілікке жауап ретінде Гагарин 1716 ж. қазанда тобылдық бояр Н.Белоусов бастаған Ресей елшілігін Қайып хан ордасына жіберді.