Буффонада - (итал. buffonata-сайқымазақтық) - актерлік ойын тәсілі (көбінесе комедиялық). Буффонадада орындаушы өзі ойнайтын сахналық кейіпкерлерінің мінез ерекшелігін тым әсірелеп, оны баса көрсетуге тырысады. Буффонада халықтық мим өнері, скоморохтардың алаң театрында туған. Кезінде итальяндардың дель арте комедиясында қолданылды. Буффонада жанрында Ж.Б. Мольер, К.Гольдони, А.В. Сухово Кобылин, В.В. Маяковский, т.б. шығармаларында бар. Орыс театрында Б. шеберлері Я.Д. Шумский В.И. Живоқини, Г.М. Ярән, т.б.; қазақ театрында М.Сүртібаев, т.б. болған. Буффонада әсіресе циркте кең тараған.[1]

Дереккөздер өңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8