Бітімгершілік операцияларына қатысқаны үшін медалі
«Бітімгершілік операцияларына қатысқаны үшін» медалі — Қарулы күштердегі қызмет беделін арттыру мақсатында Қазақстан Республикасы Президентінің 2002 жылғы 7 мамырдағы № 865 Жарлығының негізінде белгіленген Қазақстан Республикасы Қорғаныс министрлігінің марапаты.
| «Бітімгершілік операцияларына қатысқаны үшін» медалі | |
|---|---|
  | |
| Мемлекет |  Қазақстан
|
| Түрі | Медаль |
| Жағдайы | беріледі |
| Негізделді | 27 мамыр 2002 жыл |
| Жоғары марапаты | «Мінсіз қызметі үшін» медалі |
| Төменгі марапаты | «Халықаралық ынтымақтастықты дамытуға қосқан үлесі үшін» медалі |
Ережесі өңдеу
- «Бiтiмгершiлiк операцияларына қатысқаны үшiн» медалi Қазақстан Республикасы Президентiнiң Жарлығымен тағайындалады.
- «Бiтiмгершiлiк операцияларына қатысқаны үшiн» медалiмен Қазақстан Республикасының шегiнен тысқары жерлерде жүргiзiлетiн бiтiмгершiлiк операцияларына қатысқан Қазақстан Республикасы Қарулы Күштерiнiң, ұлттық қауiпсiздiк органдарының, басқа да әскерлерi мен әскери құралымдарының әскери қызметшiлерi, сондай-ақ басқа да адамдар және басқа мемлекеттердiң азаматтары марапатталады.
- «Бiтiмгершiлiк операцияларына қатысқаны үшiн» медалiмен марапаттау туралы өтiнiштердi ұсыну және қарау тәртiбiн Қазақстан Республикасы Қарулы Күштерiнiң, Ұлттық қауiпсiздiк комитетiнiң, басқа да әскерлерi мен әскери құралымдарының бiрiншi басшылары айқындайды.
- Қазақстан Республикасы Президентiнiң атынан «Бiтiмгершiлiк операцияларына қатысқаны үшiн» медалiн тапсыруды Қазақстан Республикасы Қарулы Күштерiнiң, Ұлттық қауiпсiздiк комитетiнiң, басқа да әскерлерi мен әскери құралымдарының бiрiншi басшылары, әскери бөлiмдердiң командирлерi, соның iшiнде командирлер мен басшылар (әскери басқару органдарының, мекемелердiң, әскери оқу орындарының), жергiлiктi әскери басқару органдарының басшылары жүргiзедi.
- Әрбiр марапатталған адамға медалдi тапсырумен бiр мезгiлде тиiстi куәлiк берiледi.
- «Бiтiмгершiлiк операцияларына қатысқаны үшiн» медалi кеуденiң сол жақ өңiрiне «Мiнсiз қызметi үшiн» медалiнен кейiн тағылады, аталған медалға таспа жалпы планкада «Мiнсiз қызметi үшiн» медалiнiң таспасынан кейiн орналасады.
Сипаттамасы өңдеу
«Бiтiмгершiлiк операцияларына қатысқаны үшiн» медалi жезден жасалып, диаметрi 34 мм шеңбер пішінді болады.
Медалдiң беткi жағында жоғарғы жақта ортада жер шарының бейнесi, төменде — жер шары бейнесiнiң астында қалықтаған «бейбiтшiлiк көгершiнi» суреттелген. Жиектiң жоғарғы iшкi жағын бойлай «Бiтiмгершiлiк операцияларына қатысқаны үшiн» деген жазу жазылған.
Медалдiң артқы жағының ортасында «Қазақстан Республикасының Қарулы Күштерi» деген жазу, төменгi жағында Қазақстан Республикасы Қарулы Күштерінің танымбелгісі — тегiс екi қырлы сәуле шашқан бесбұрышты жұлдыз, күн және қалықтаған қыран орналасқан.
Медалдағы барлық бейнелер, жазулар шығыңқы, алтын түстес болып келеді. Медалдiң шеттерi ернеумен жиектелген.
Медал құлақша мен шығыршық арқылы сол жақ жартысы жасыл түстi, оң жағы — Қазақстан Республикасының Мемлекеттiк туы түстес жiбек қатқыл таспамен қапталған енi 34 мм және биiктiгi 50 мм бесбұрышты тағанға жалғанады.
Медаль түйреуiштiң көмегiмен киiмге тағылады.
Дереккөздер өңдеу
- «Қазақстан Республикасы Президентiнiң 2002 жылғы 7 мамырдағы № 865 Жарлығына толықтырулар енгiзу туралы» Қазақстан Республикасы Президентінің 2004 жылғы 16 маусымдағы № 1393 Жарлығы. Күші жойылды — Қазақстан Республикасы Президентінің 2011 жылғы 30 қыркүйектегі № 155 Жарлығымен. Қазақстан Республикасы нормативтік құқықтық актілерінің ақпараттық-құқықтық жүйесі.