Бөріойнақтөбе

Бөріойнақтөбе - ежелгі қоныс орны. Маяқум ауылынан солтүстікке қарай 4 км жерде. 1974— 76 жылы Оңтүстік Қазақстан кешенді археологиялық экспедагогикалық (К.Ақышев, мүшелері К.Байпақов, В.Трошев) зерттеген. Қазіргі орны дөңгелектеу келген, диаметрі 80 м шамасындағы төбе. Оның алаңқайында диаметрі 10 м, биіктігі 8 метрге жуық 3 төбешік орналасқан. Қоныс топографиясынан (солтүстік және оңтүстік-шығыс жағынан) екі кірер жол анықталған. Орталық төбе айналасын төбешік-алаңқай қоршаған. Ол солтүстікке қарай 50 метрге созылған. Биіктігі 1,5— 3 м аралығында. Қыш ыдыстарының сынықтарына (хум, сақина тәрізді саптаяқ, т.б.) қарағанда, Бөріойнақтөбені 1—8 ғасырлар аралығында мекен еткен. Олар егін егіп, мал өсірумен шұғылданған.