Владимир Иванович Фурсов

ФУРСОВ Владимир Иванович (13.4.1921, Қырғызстан, Пржевальск қ. — 15.5.1995, Алматы) — генетик-ғалым, биол. ғыл. докт. (1965), проф. (1967), Қазақстанның еңб. сің. жоғары мектеп қызметкері (1974). 2-дүниежүз. соғысқа қатысқан, Брест қамалын қорғаушылардың бірі. 1949 ж. ҚазМУ-ді бітіріп, сонда дарвинизм және генетика кафедрасының ассистенті, аға оқытушысы, доценті, меңгерушісі (1975 — 1995) қызметтерін атқарды. Негізгі ғыл. еңбектері өсімдіктер генетикасы мен эмбриологиясына арналған. Ф. цитохим. зерттеулердің жаңа әдістемесін жасап, бор, кальций, магний элементтерінің бидайдың ұрықтануына, ұрықтанған дән клеткаларының бөлінуіне тигізетін әсерін, алыстекті гибридтеу кезінде генет. үйлеспеу мәселелерін зерттеді. Ф. республикада ең алғашқы “Экология және табиғатты қорғау” атты жалпы оқу курсы бағдарламасын жасады. Ол “Қазақстанда қоршаған ортаға ластанудың әсерін зерттеу” ғыл. бағытын қалыптастырып, осы салада бірнеше ғылым кандидаттарын даярлады. Ленин орденімен, 1-, 2-дәрежелі Отан соғысы орденімен марапатталған. Шығ.: Природа и общество, А.-А., 1981; Охрана природы и сельское хозяйство, А.-А., 1987; Экологические проблемы окружающей среды, А., 1991.

Сілтемелер

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том