Гүлжан Ізімқызы Талпақова
Гүлжан Ізімқызы Талпақова (12 қыркүйек, 1948 жылы туған, Атырау қ.) - биші, Қазақстанның халық артисі (1981).
Өмірбаяны өңдеу
- 1967 ж. Алматы эстрада-цирк өнері студиясы (Ш.Жиенқұлованың халық биі класы бойынша) бітірген.
- 1977-79 ж. Мәскеу эстрада студиясында тәжірибе жинақтаудан өтті.
- Шығармашылық жолын "Қазақконцертте" (1967 - 69) бастайды.
- 1969-73 ж. "Гүлдер" ансамблінде қызмет етті.
- 1973 жылдан "Қазақконцерттің" биші-артисі.
Сахнадағы өнері өңдеу
Талпақова дүние жұзі халықтарының көпшілігінің билерін үйреніп, қазақ сахнасына шығарды. Оның репертуарында қазақтың "Айжан қыз", "Қос Алқа", "Алмас қырғауыл", өзбектің "Хорезм биі" және ұйғыр, корей, вьетнам, моңғол, үнді, мысыр, малай, т.б. халықтардың ұлттық билері бар.
Гастрольдік сапарлары өңдеу
Гастрольдік сапармен Болгарияда, Германияда (1968), Моңғолияда (1973, 1975, 1977), Оңтүстік-Шығыс Азия елдерінде (Бирма, Малайзия, Сингапур, Шри-Ланка - 1973, 1974), Үндістанда, Жапонияда, Иранда, Таиландта (1975), Финляндияда (1977), АҚШ-та (1981), т.б. елдерде болды.
Жетістіктері өңдеу
- 1968 ж. София қаласында өткен Жастар мен студенттердің дүниежүзілік фестивалінің лауреаты.[1]
Дереккөздер өңдеу
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8