Динамик

Дыбыс жиілігінде электр тербелістерін дыбыстық толқындарға айналдыру үшін динамик қолданылады. Оның құрылымы электродинамикалық микрофонның құрылымына ұқсас, тек қана катушканың орамы үлкен ток күшіне есптелген жуандау сымнан жасалады және диафрагмасы біраз үлкен болады. Динамиктің катушкасынан дыбыс жиілігіндегі айнымалы токты өткізгенде, оған тұрақты магнит өрісі жағынан Ампер ңүші әсер етеді. Бұл күштің әсерінен катушка айнымалы токтың жиілігімен тербеледі және онымен байланысқан диафрагманы тербелтеді. Диафрагманың тербелісі ауаның қысымын периодты өзгертіп, дыбыс толқындарын тудырады.

Телевизиялық қабылдағыш

Телевизиялық қабылдағыш телевизордың жұмыс істеуі радиотаратқышқа ұқсас. Алайда бұл жағдайда дыбыс сигналдарымен бірге бейнелер жеткізіледі. Бейнелерді жеткізудің жалпы принципін түсіну үшін бір мысал қарстырайық. Сізге жедел басқа қалаға жаңадан құрылған пртияның эмблемасын жеткізу керек, ал сізде телефоннан басқа байланыс құралы жоқ.Егер сіз тез ойлап, жедел қимылдасаңыз, мәселе шешіледі. Сіз эмблеманың суретін миллиметрлік қағазға салып, оның бейнесін кішігірім элементтерге жіктелуін анықтайсыз. Есебіңізге сәйкес сіз бір элементтің өлшемін, жіктеідің бір жолындағы элементтер санын және қажетті жолдарын таңдап аласыз. Одан кейін телефон арқылы басқа қаладағы адаммен байланысып, оған суретті жеткізу үшін былай дейсіз: "Бір бет миллиметрлік қағазды алдыңа қой. Үш әр- түрлі фломастер ал: қызыл, жасыл, көк. Енді миллиметрлі қағаздың бірінші жолына нүктелерді мына тәртіппен қоя баста: қызыл, қызыл, көк ... жасыл. Бірінші жол аяқталады. Екінші жол: көк,көк..." т.с.с. Жіктеудің соңғы жолы аяқталды. Мәселе шешілді. Осыған ұқсас телевизиялық бейнелер таратылып тартылады. Объектив бейнені таратушы телевизиялық камераның арнайы экранына беріледі.