Дрейфтік транзистор

Дрейфтік транзистор — негізгі емес заряд тасымалдаушылардың базалық облыс арқылы қозғалысы электр өрісі әсерінен дрейфтік сипатта болатын биполярлық транзистор. Дрейфтік транзистор базасында электр өрісінің пайда болуы эмиттерден коллекторға қарай легирлейтін қоспалар концентрациясының бір қалыпсыз таралуынан, негізгі емес заряд тасымалдаушылардың дрейфі олардың база арқылы қозғалысының уақытын азайтады. Осыған сәйкес күшейтудің шектік жиілігі өседі. Дрейфтік транзистор ЖЖ және АЖЖ диапазондағы күшейткіштерде, генераторларда және электр тербелістерін түрлендіргіштерде, сондай-ақ интегралдық сызбалардың активті элементтері ретінде қолданылады.