Жамансор (қоныс)

Жамансор — Атырау облысы, Мақат ауданы, Доссор кентінен солтүстік-батысқа қарай 17 км жердегі қоныс.

Теңіз деңгейінен 12 м төмен жатыр. Оңтүстігінде Таңатар, солтүстігінде Төрттөбе қоныстары орналасқан. Солтүстік-батыстан оңтүстік-шығысқа қарай 40 км-ге созылып жатыр, енді жері 25 км. Солтүстік-батысында Қурайлы каналы ағады. Қоныстың барлық бөлігін сор басқан. Оңтүстік-шығысында бірнеше тілімденген жыралы ойыстар кездеседі. Жанында Байбақты, Қырыққұлақ, Мақұл құдықтары бар.