Жанат Аңсабайқызы Чайкина

Жанат Аңсабайқызы Чайкина (1954 жылы 14 маусымда Павлодар облысы, Ертіс ауданы, Ертіс ауылында туған) — актриса. Қазақстанның еңбек сіңірген әртісі (1991). Қалибек Қуанышбаев атындағы қазақ мемлекеттік академиялық музыкалық драма театрының актрисасы.

Жанат Аңсабайқызы Чайкина
Жалпы мағлұмат
Туған күні	14 маусым 1954 (1954-06-14) (69 жас)
Туған жері	Павлодар облысы Ертіс ауданы
Азаматтығы	КСРО  Қазақстан
Мамандығы	актриса
Белсенді жылдары	1975 - осы уақыт
Марапаттары	Құрмет ордені

Толығырақ

• Жанат Аңсабайқызы 1954 жылы 14 маусымда Павлодар облысы, Ертіс ауданы, Ертіс ауылында дүниеге келген.
• 1971 - 1975 жылдары Құрманғазы атындағы Қазақ ұлттық консерваториясының актерлік бөлімін бітірген.
• 1975 жылы Талдықорғандағы облыстық қазақ драма театрына қызметке келіп, театрдың негізін қалаушылардың бірі болды.
• 2008 жылы Қалибек Қуанышбаев атындағы қазақ мемлекеттік академиялық музыкалық драма театрына ауысты.

Сахнадағы негізгі рөлдері

Ғ. Мүсірепов «Қозы Көрпеш-Баян сұлу» – Баян, «Ақан сері-Ақтоқты» – Ақтоқты, «Қыз Жібек» – Қамқа, М. Әуезов «Қарагөз» – Қарагөз, «Еңлік-Кебек» – Еңлік, «Хан Кене» – Қарашаш, К. Гольдони «Екі мырзаға бір қызметші» – Беатриче, У. Шекспир «Асауға тұсау» – Катарина, «Сонеттер» – Ақын, «Король Лир» – Корделия, Шут, А. Чехов «Ваня ағай» – Соня, «Шағала» – Заречная, Ф. Шиллер «Мария Стюарт» – Мария Стюарт, Еврипид «Медея» – Медея, А. Цагарели «Ханума» – Ханума, Ш. Айтматов «Ана–Жер Ана» – Жер Ана және т.б бейнелерді сомдайды.

Марапаттары

• Халықаралық театр фистивальдерінің бірнеше мәрте лауреаты.
• 1978 жылы республикалық жастар шығармашылығы байқауының дипломанты. 1995 жылы "Матай" қоры жарияланған І.Жансүгіров атындағы бәйгені жеңіп алды.
• 1991 жылы Қазақстанның еңбек сіңірген әртісі (Қазақ КСР);
• 2015 жылы елбасының жарлығымен «Құрмет ордені» мен марапатталған.
• 2016 жылы Қазақстанның "Еңбек ардагері" медалінің иегері.