Жанат Ғазизұлы Нұрпейісов

Жанат Ғазизұлы Нұрпейісов 1961 жылы 16 қарашада Солтүстік Қазақстан облысы Бунаев ауданында туған. Қазақ. Алматы халық шаруашылығы институтын (1982) бітірген, мамандығы - «Қаржы және кредит». Қазақ және орыс тілдерін біледі. «Нұр Отан» ХДП мүшесі (2006 жылдан). 1982 жылдан - Солтүстік Қазақстан облысы Возвышен аудандық қаржы бөлімінің ауыл шаруашылығын қаржыландыру бөлімінің аға экономисі. 1982 жылдан - Кеңес Әскерінің қатарында қызметте. 1984 жылдан - Солтүстік Қазақстан облысы Возвышен ауданы бақылау- тексеру басқармасының аға бақылаушы-тексерушісі. 1990 жылдан - Солтүстік Қазақстан облысы Возвышен ауданы салық инспекциясының бастығы. 1997 жылдан - Ақмола қаржы басқармасы бастығының орынбасары. 2005 жылдан - Астана қаласы Экономика және бюджеттік жоспарлау департаменті директорының орынбасары. 2008 жылдан - Астана қаласы қаржы департаментінің директоры, қаржы басқармасының бастығы. 2010 жылдан бері - Астана қаласы Экономика және бюджеттік жоспарлау басқармасының бастығы. «Қазақстан Республикасының тәуелсіздігіне 10 жыл» (2001), «Астананың 10 жылдығы» (2008) медальдарымен марапатталған. Әскери атағы - запастағы майор. Қазақстанның болашағы туралы болжамы - «Нарықтық экономикасы бар өзіне-өзі жеткілікті демократиялық мемлекет». Хоббиі - аңшылық. Сүйіп оқитын әдебиеті - тарихи және саяси әдебиет. Үйленген. Жұбайы - Нұрпейісова Айгүл Жексембайқызы (1965 жылы туған), Қазақстан Республикасы Президентінің Іс басқармасы Ауруханасының тіркеу бөлімінің меңгерушісі. Ұлдары - Азамат (1986 жылы туған), Азат (1993 жылы туған).