Жапаров Байзақ Рақымбайұлы
Жапаров Байзақ Рақымбайұлы— белгілі суретші, баспагер Б.Р.Жапаров 1936 жылы Көкшетау облысындағы Степняк қаласында туған. Алматыдағы Н. В. Гоголь атындағы көркем-сурет училищесін бітірген. Негізгі мамандығы бойынша безендіруші-суретші.[1]
Алпысыншы жылдардан бастап"Ара", "Простор" журналдарында қызмет істейді. Ал "Қайнар" баспасына 1969 жылы жарнама саласындағы редактор жұмысына шақырылады да, кейініректе біржола кітап безендіру ісімен шұғылданады.
1979—1996 жылдар аралығында Б.Р.Жапаров "Қайнар" баспасының бас суретшісі. Осы уакыттар ішінде ол ізденімпаз, білімдар суретші ретінде "Қайнар" баспасы шығарған кітаптардың оқырмандар арасына кең тарап кетуіне ықпал етті. Көптеген одақты көрмелерге қатысты, жас суретшілерді тәрбиелеуі ісіне де белсене араласты. Қазіргі кезде де Байзақ Рақымбайұлы кітап безендіру ісіне қызу араласып, өзіні шығармашылық кемел шағында екенін дәлелдеп жүр.
Б.Жапаров әлденеше медальдармен, құрмет грамоталарымен марапатталған.
Дереккөздер өңдеу
- ↑ Қазақстан баспагерлері мен полиграфистері. Анықтамалық. Алматы, "Білім" баспасы. 2005 ж. — 576 бет.ISBN 9965-09-134-Х
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|