Жасаңшөптер тұқымдасы

Жасаңшөптер тұқымдасы(Crassulaceae) – қос жарнақты бір немесе көп жылдық шөптесін өсімдіктер. Жасаңшөптер тұқымдасының жер шарының қоңыржай және ыстық аймақтарында, таулы жерлер мен құрғақ тасты беткейлерде кездесетін 35 туысы, 1500 түрі бар. Қазақстанда 6 туысы, 31 түрі кездеседі, ең көп тарағаны – киікоты, жертаған. Сабақтары тік, төселіп өседі. Өте қалың, шырынды жапырағының пішіні – дөңгелек, цилиндр, қалқанша тәрізді. Сыртын өңез жауып жатады. Көбінесе жапырақтары сабақтың түп жағын айнала дегелектене орналасады, мұның суды аз буландыру үшін маңызы зор. Жасаңшөптер тұқымдасының ерекшелігі – фотосинтез процесі түнде жүреді, өйткені жапырақтағы тыныс саңылауы (устьице) түнде ашылады. Гүлдері қос жынысты, кейде дара жынысты. Қос үйлі, сабақ ұшында жеке-жеке орналасады немесе шатырша, шоғырбас, қалқанша, масақ, т.б. гүлшоғырына топтасады. Тостағанша жапырақшалары 5, 9 кейде 30-дан асады, күлтесі – бесеу. Шыбындар арқылы тозаңданады. Жемісі – көп жапырақша, қауашақ тәрізді. Тұқымы өте көп, ұсақ, жеңіл болғандықтан жел, су, құмырсқалар арқылы таралады. Жасаңшөптер тұқымдасының ішінде дәрілік (алтын тамыр, қалыңқой, т.б.) және әсемдік (эхеверия, бозкілем, түбіртек, т.б.) үшін гүлзарларда, саябақтарда өсірілетін түрлері. name="source1">«Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9</ref>

Crassulaceae
Jade plant or Friendship Tree, Crassula ovata
Jade plant or Friendship Tree, Crassula ovata
Ғылыми топтастыруы
Дүниесі: Өсімдіктер
(unranked) Eudicots
(unranked) Core eudicots
Сабы: Saxifragales
Тұқымдасы: Crassulaceae
DC.
Genera

many, see text

Жасаңшөптер тұқымдасы

Дереккөздер өңдеу