Жақсыбеков Ырыскелді Дәуренбекұлы
Жақсыбеков Ырыскелді Дәуренбекұлы (1928 - 2013, Қостанай облысы Қарабалык ауданы. Тастыөзек ауылы,) – агроном.
- Целиноград ауыл шаруашылығы институтын бітірген (1972).
- Облыста, ауданда басқару органдарында, мәдениет және кино саласында (1954 – 89) жұмыс жасады.
- 1994 жылдан «Цесна» корпорациясы директорының орынбасары, «ИнфоЦес газеті» ЖШС басқармасының төрағасы, «Ақмола – Астық» концерні басқармасы төрағасының орынбасары қызметтерін атқарды.
«Құрмет» ордені және медальдармен марапатталған.[1]
Рыскелді Дәуренбекұлы Жақсыбеков 1928 жылдың 15 желтоқсанында Қостанай облысының Қарабалық ауданына қарасты Тастыөзек ауылында дүниеге келген. Совет Армиясының қатарында әскери борышын атқарғаннан кейін 1954 жылдан бастап 35 жылдай мәдениет саласында қызмет етті, оның ішінде 25 жыл бойы тапжылмай Целиноград облыстық кинофикация басқармасына жетекшілік етті.
1974, 1975 және 1981 жылдардағы жемісті жұмыстарының арқасында, ‹‹КСРО-дағы социалистік жарыстың жеңіскері›› атағын иеленді, ал 1982, 1985, 1987 жылдары облыстық Кеңестің депутаты болып сайланды. Бірнеше дүркін облыстық партия конференциясына делегат болып сайланып, Қазақстан компартиясының Орталық Комитетінің съездеріне қатысқан. Ол еліміз бен облысымыздың экономикасы мен мәдениетінің өсуіне үлкен үлес қосты, достары мен әріптестерінің арасында өте сыйлы болды.
Рыскелді Дәуренбекұлының жемісті еңбегі Кеңестер Одағы мен Қазақстан Республикасының көптеген мемлекеттік және ведомстволық наградаларымен бағаланған.
Зейнеткерлікке шықққаннан кейін өмірінің аяғына дейін қоғамдық жұмыстармен айналысты. Республикалық Ардагерлер ұйымының Орталық Кеңесі Президиумының мүшесі болды.
Пайдаланылған cілтемелер өңдеу
[1] Мұрағатталған 16 қаңтардың 2013 жылы.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
| Бұл мақаланы Уикипедия сапа талаптарына лайықты болуы үшін уикилендіру қажет. |