Жирен гоплит
Саны азайып бара жатқан, жеке тіршілік ететін жабайы аралардың бір түрі. Таралу аймағы — шөлейтті-далалы жерлер. Таралу аймағының орталығы — Қазақстан жері. Венгер далаларынан басталған Еуропаның оңтүстік-шығысындағы жіңішке жолақта, түр бір-келкі орналаспаған және сирек. Сонымен қатар,Кіші Азия мен Күнгей Кавказда да кездеседі.Түр негізінен құмды топырақпен тығыз байланысты. Ұшу уақыты — маусым басы мен шілде соңы. Бұршақ тұқымдастары гүлдерін тозаңдандырады. Тапталған немесе сары топырақпен араласқан құмды тік жарларда топтанып ұялайды. Саны адамның шаруашылық әсерінен (малды шектен тыс бағу, құмды топырақтың өзгеріске ұшырауы,құмды тік жарлардың бұзылуы) азайып отыр. Түрді қорғау үшін олардың тіршілік мекендерінде мал бағуды тоқтату, құмды бекіту, қорықтар мен шағын қорықтар ұйымдастыру керек.
Дереккөздер өңдеу
Ғажайып омыртқасыздар. Қазақстан Қызыл кітап беттерінен. Құрастырушылар И.Д.Минтяев, Р.В. Ященко, В.Л. Казенас.