Жоба:Инкубатор/Ғайни Әлімбекқызы
 | Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
Ғайни Әлімбекқызы – Қазақстан Жазушылар Одағының мүшесі, “Құрмет” Орденінің иегері, Халықаралық “Алаш” әдеби сыйлығының иегері, Қазақстан Журналистер Одағы сыйлығының лауреаты.1960 жылы 9 маусымда Жамбыл облысы, Байзақ ауданы Жаңасаз ауылында туылған. Тараз қаласындағы №17 орта мектебін бітірген. Жамбыл медициналық училищесінің «фельдшерлік», Жамбыл педагогикалық институтының «филология» факультетін тамамдаған. Алғашқы өлеңдері облыстық, республикалық баспасөз беттерінде жиі жарияланып түрды. Жамбыл облыстық телевидениясында ұзақ жылдар бойы редактор болып қызмет атқарды.
«Қазақстан Ұлттық арнасы» 50 жылда тұңғыш өткізген республикалық журналистер байқауында «Қилы тағдырлар» бағдарламасы бас жүлдені жеңіп алды. «Республика ақындарының 1994 жылы «Жалын» баспасынан шыққан «Қарлығаш» жыр жинағына бір топ өлеңдері енді. Ал, 2000 жылы Жамбыл облысы ақын-жазушыларының «Атамұра» баспасынан шыққан топтама кітабы, 2000 жылы «Жүрегімдесіңдер менің», 2005 жылы «Ақша бұлттар арасында арман бар», «Көңілімде боздап тұрды бозінген», «Жыр- Айна», «Қарлығаштар мекені»,«Сен берген гүл» атты кітаптары баспадан шыққан.
«Азия дауысы», «Жас қанат» халықаралық байқауларының лауреаты.
Жамбыл облысынан шыққан белгілі қайраткерлер, тұлғалар жайында документальді фильмдердің редакторы болды. «Ел кеменгері-Төлеби», «Қазақ хандығына-550 жыл», « Тұлпардың ізі», «Шындықтың жебесі» -Шерхан Мұртаза жайында республика арналарында көрсетілді, алтын қорға қалды.
Қазақстан Жазушылар Одағының мүшесі, “Құрмет” Орденінің иегері, Халықаралық “Алаш” әдеби сыйлығының иегері, Қазақстан Журналистер Одағы сыйлығының лауреаты, Қазақстанның Ақпарат саласының үздігі, ҚР Мәдениет саласының үздігі. Бауыржан Момышұлы атындағы «Намыс» ордені, Т. Айбергенов атындағы және Жамбыл облысына сіңірген еңбегі үшін медальдарымен марапатталған. Журналистерге тағайындалатын "Күміс жаршы" төсбелгісінің иегері. «100» Қайраткер Әйел анықтамалық –энциклопедияға кірген.
Сөзіне жазылған әндерін Әбиірбек Тінәлі, Мадина Садуақасова,Досымжан Танатаров,Гүлнұр Өмірбаева және т.б. Қазақ эстрадасының жұлдыздары орындап жүр.