Заңды түсіндіру

Заңды түсіндіру — мемлекеттік органдардың, ұйымдардың, лауазымды адамдардың, жекелеген азаматтардың құқық нормаларының мазмұнын айқындауға бағытталған қызметі. Заңды түсіндіру — күрделі де кешенді құбылыс. Ол мемлекеттік органның ресми актісі түрінде, не мемлекеттік емес ұйымдар мен жекелеген адамдардың, іс жүзінде міндеттілік мәні жоқ ақыл-кеңестері түрінде болады. Бұл қызметтің мақсаты – түсіндірілетін норманың дұрыс та бірыңғай қолданылуын қамтамасыз ету, оны іске асыру кезінде болуы мүмкін қателерге жол бермеу.