Зияткерлік меншік жөніндегі дүниежүзілік ұйым

WIPO members     Мүше елдер     Non-members

Зияткерлік меншік жөніндегі дүниежүзілік ұйым - (World Intellectual Property Organіsatіon /WIPO/) – халықаралық үкіметаралық ұйым, БҰҰ-ның мамандандырылған мекемесі. 1967 жылы Стокгольмде қол қойылған конвенцияны іске асыру барысында 1970 жылы құрылды. Оны құру туралы идея “Өнеркәсіп меншігін қорғау жөніндегі” Париж конвенциясынан (1883) және “Әдебиет пен сурет шығармаларын қорғау туралы” Берн конвенциясынан (1886) бастау алады. Зияткерлік меншік жөніндегі дүниежүзілік ұйымның мақсаты мемлекеттер мен халықаралық ұйымдар арасындағы ынтымақтастық жолымен дүние жүзіндегі зияткерлік меншікті қорғау, зияткерлік меншік саласындағы жаңа шарттардың жасалуын көтермелеу және ұлттық заңдардың әзірленуіне көмектесу, т.б. Ұйым осы мақсатты жүзеге асыру бағытында ақпарат жинап, оларды тарату ісімен айналысады, халықаралық тіркеу қызметін қаржыландырады. Штаб-пәтері Женевада (Швейцария) орналасқан.