Изотермалық процесс

Изотермалық процесс, изотермиялық процесс – физикалық жүйеде тұрақты температурада жүретін процесс; термодинамикалық күй диаграммасында изотермамен кескінделеді.

Изотермалық процесстер

Изотермалық процессті жүзеге асыру үшін жүйе, әдетте, термостатқа орналастырылады. Бұл жағдайда термостаттың жылу өткізгіштігі өте үлкен болып келеді де, жүйе температурасының іс жүзінде термостат темп-расынан айырмашылығы болмайды. Изотермалық процесстің мысалына тұрақты температурадағы сұйықтықтың қайнауы не қатты дененің балқуы жатады. Изотермалық процесс кезіндегі идеал газда қысым мен көлемнің көбейтіндісі тұрақты болады. Изотермалық процесс кезінде жүйеге белгілі бір жылу мөлшері беріледі (не одан белгілі бір жылу мөлшері алынады) және оның есебінен сыртқы жұмыс жасалады. Идеал газ үшін ол жұмыстың шамасы мынаған тең:

$A=nkT\cdot \ln \left({\frac {V_{\mathrm {2} }}{V_{\mathrm {1} }}}\right)$, мұндағы $n$ –газдағы бөлшектер саны, $T$ – абсолют температура, $k$ – Больцман тұрақтысы, $V_{\mathrm {1} }$ және $V_{\mathrm {2} }$ – газдың бастапқы және соңғы көлемдері.

Егер фазалық ауысу болмаса, онда изотермалық процесс кезінде қатты дененің және көптеген сұйықтықтардың көлемі өте аз өзгереді.

Изотермалық процесс орын алған кезде: P1/V1=P2/V2 қатынасы орындалады.

Және Изотермалық процесс Термодинамикада Ішкі энергияны сиппатау үшін қолданылады.