Исаак де Бенсерад
Исаак де Бенсерад (15 қазан 1612 жыл, Лион-Лафоре – 19 қазан 1691 жыл, Шантийи) – француздың сарай ақыны, драматург[1] Корнельдің замандасы. 1636 жылы Бургунд қонақ үйінің театрында қойылған «Клеопатра» атты трагедиясы драматургқа мол табыс алып келеді. Композиторлар Ламбер және Люллимен бірігіп балет шығарады. 1674 жылы Француз академиясының мүшесі болады. Сонымен қатар эпиграммалар, станстар, сонеттер, мадригалдар, рондолар, эпитафиялар, мысалдар, трагедиялар мен комедиялар жазған. 1935 жылы Владислав Ходасевич Бенсерадқа арнап өлең жазады («…О други! Два часа подряд / Склоняю слово: Бенсерад…»).
