КОЛУМБИТ(АҚШ-тағы Колумбия өзені атымен аталған) – күрделі оксидтер класының минералы. Химиялық формуласы (Fe, Mn) (Nb, Ta)2 O6. Ромбылық сингонияда кристалданады, жеке кристалдары призма, жұқа пластинка немесе жапырақ тәрізді болады. Түсі қара, қоңырқай қара, қаттылығы 6 – 6,5; меншікті салмағы 5,2 – 6,4 г/см3. К. пегматиттердегі гранитоидтардың метасоматикалық өзгеруінің нәтижесінде түзіледі. Ол ниобий кентасының негізгі минералдарының бірі. Колумбиттің ірі кен орындары Нигерияда орналасқан.