Күкірт

Қаныққан бу қысымы
16	Фосфор ← Күкірт → Хлор
O; ↑; S; ↓; Se	Периодическая система элементов 16S
Жай заттың сыртқы бейнесі
	ашық сары ұнтақ зат Күкірт таза күйінде
Атом қасиеті
Атауы, символ, нөмірі	Күкірт, 16
Топ типі	Басқа бейметалдар
Топ, период, блок	16, 3, p
Атомдық масса ; (молярлық масса)	[32,059; 32,076] м. а. б. (г/моль)
Электрондық конфигурация	[Ne] 3s2 3p4
Қабықшалар бойынша электрондар	2, 8, 6
Атом радиусы	127 пм
Химиялық қасиеттері
Ковалентті радиус	105±3 пм
Ван-дер-Ваальс радиусы	180 пм
Ион радиусы	30 (+6e) 184 (−2e) пм
Электртерістілігі	2,58 (Полинг шкаласы)
Электродты потенциал	0
Тотығу дәрежелері	+6, +4, +2, +1, 0, −1, −2
Иондалу энергиясы	1-ші: 999.6 кДж/моль (эВ) ; 2-ші: 2252 кДж/моль (эВ) ; 3-ші: 3357 кДж/моль (эВ)
Жай заттың термодинамикалық қасиеттері
Термодинамикалық фаза	Қатты дене
Тығыздық (қ.ж.)	2,070 г/см³
Балқу температурасы	386 К (112,85 °С)
Қайнау температурасы	717,824 К (444,67 °С)
Балқу жылуы	1,23 кДж/моль
Булану жылуы	10,5 кДж/моль
Молярлық жылусыйымдылық	22,61 Дж/(K·моль)
Молярлық көлем	15,5 см³/моль
Жай заттың кристаллдық торы
Тор құрылымы	орторомбалық
Тор параметрлері	a = 10,437, b = 12,845, c = 24,369 Å
Басқа да қасиеттері
Жылуөткізгіштік	(300 K) 0,27 Вт/(м·К)
Моос қаттылығы	2.0
CAS нөмірі	7704-34-9

Күкірт (лат. Sulfur; S) — элементтердің периодтық жүйесінің VІ тобындағы химиялық элемент; атомдық нөмірі 16, атомдық массасы 32,06. Тұрақты 4 изотопы бар. Сондай-ақ жасанды жолмен алынған 6 изотопы белгілі. Күкірттің жер қыртысындағы салмақ мөлшері 0,05%, теңіз суында 0,08 – 0,09%.

Күкірт біздің заманымыздан 2000 жыл бұрын белгілі болған. Қалыпты жағдайда күкірт сары түсті, бейметалл. Табиғатта бос күйінде (саф К.) және сульфидті (мысалы, пирит, галенит, антимонит, т.б.), сульфатты (гипс, ангидрит, барит, мирабилит, т.б.), т.б. минералдар түрінде кездеседі. Күкірттің бірнеше кристалдық түрлері белгілі, оның ішіндегі орнықтылары ромбылы α-күкірт және моноклинді β-күкірт.

Күкірттің тығыздығы 2,07 г/см³ (α-түрі) және 1,96 г/см³ (β-түрі), балқу t 112,8°С, қайнау t 444,6°С, жылу өткізгіштігі 0,208 Вт/(м·град). К. суда ерімейді, бензолда жақсы ериді, қыздырғанда молекуласындағы атом саны бірте-бірте кемиді: S₈→ S₆→ S₄→ S₂ соңында 2000°С-тан жоғары қыздырғанда К. буында жеке атомдар пайда болады. Салқындатқанда осы процесс кері айналып полимерлену құбылысы жүреді. К. қосылыстарында –2-ден +6-ға дейін тотығу дәрежелерін көрсетеді. Азот, йод, алтын, платина және инертті газдардан басқа элементтердің бәрімен әрекеттеседі. К. металдармен реакцияда болғанда өте көп жылу бөлініп шығады.

Оттекпен бірнеше оксид түзеді. К. саф К., полиметалдық кендер, газ және мұнайды тазалау кезінде олардан қосымша өнім ретінде алынады. К. негізінен химия өнеркәсібінде күкірт қышқылын алу үшін пайдаланылады, сондай-ақ қағаз, резина, сіріңке жасауда, тоқыма өнеркәсібінде мата ағартуға, дәрі-дәрмек, косметик. препараттар дайындауда, пластмасса, қопарғыш заттар, тыңайтқыш, улы химикаттар алуда кеңінен қолданылады.

Периодтық жүйедегі орны өңдеу

Күкірттің жануы

Күкірт III периодтың, VI топтың негізгі топшасының элементі, реттік нөмірі 16. Олай болса ядро заряды +16, протон саны 16, нейтроны да 16; электрондарының жалпы саны 16.

Электрондық құрылысы. Осы электрондар үш электрондық қабаттарда бөлініп орналасады, күкірттің электрондық формуласы: 1s²2s²2p⁶3s²3p⁴

Күкірт II, IV, VI - валентті бола алады, ал тотығу дәрежелері -2,0, +4, +6 болып келеді.

Физикалық қасиеттері өңдеу

Күкірт - сары түсті, суда нашар еритін, су жұктырмайтын, жылу мен тоқ өткізбейтін, морт сыңғыш келетін қатты зат. Балку температурасы 119°С. Күкірт атомының сыртқы валенттілік кабатында екі дара электроны болғандыктан, олар өзара байланыса алады.

Табиғатта таралуы. Күкірттің табиғи қосылыстары өңдеу

Балқаш, Шығыс Қазақстан облысында сульфидтер (ZnS, PbS, FeS₂, т.б.) күйінде болса, сульфаттары (CaSO₄ • 2Н₂O - ғаныш (гипс), Na₂SO₄ • 10Н₂O - мирабилит, FeSO₄ • 7Н₂O - темір купоросы) т. б. болады. Күкірт қосылыстары мұнайда және тас көмірде де кездеседі. Бос күйіндегі күкіртті тау жыныстарынан балқыту арқылы алады.

Вулкан атқылағанда газбен ілесе ұшқан күкірт сыртқа шығып кристалл түрінде қатаяды. Ондай күкіртті вулканмен байланысты арасан көздерден (фумаролдардан), тау жыныстарының жарықтарынан, қуыстарынан кездестіруге болады.

Сульфид минералдардың тотығуынан пайда болатын күкірт кендері көбінесе сульфид кендерінің үстіңгі қабатында болады. Бұл жағдайда пайда болатын күкірттің реакциясын мынадай түрде көрсетейік.

RS + Fe₂(SО₄) ₃ = 2FeSO₄ + RSO₄ + S.^[1]

Қолданылуы өңдеу

Күкірт каучукты резинаға айналдыру (вулканизация) үшін, медицинада, тұрмыста жертөлені және қоймаларды аластау үшін, оқ-дәрі жөне сіріңке өндірістерінде қолданылады.^[2]

Кен орны өңдеу

КСРО-да шөгінді күкірт кенінің ең көп жері — Орта Азияда (Қарақұм, Гаурдақ, Шорсу), Поволжьеде (Куйбышев қаласы маңында).

Вулкандық күкірт кендері Кавказда, Камчаткада және Курил аралдарында кездеседі. Шет мемлекеттердегі күкірт кені Италияда, Сицилияда бар. Техас және Луизиана штаттарындағы (АҚШ) күкірт кендері тау жыныстарының жарығында кездеседі. Вулкандық күкірт кендері Италияда, Жапонияда, Чилиде» т. б. жерлерде бар.^[1]

Дереккөздер өңдеу

↑ ^a ^b Кристаллография, минералогия, петрография. Бұл кітап Абай атындағы Қазақтың мемлекеттік педагогты институтының, география факультетінде оқылған лекциялардың негізінде жазылды, 1990. ISBN 2—9—3 254—69
↑ Химия: Усманова М. Б., Сақариянова Қ. Н. Жалпы білім беретін мектептің 9-сыныбына арналған оқулық, 2-басылымы, өңделген, толықтырылған. - Алматы: Атамұра, 2009. - 288 бет. ISBN 9965-34-929-0

Бұл — химия бойынша мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.

[ReferenceA-1] Кристаллография, минералогия, петрография. Бұл кітап Абай атындағы Қазақтың мемлекеттік педагогты институтының, география факультетінде оқылған лекциялардың негізінде жазылды, 1990. ISBN 2—9—3 254—69

[2] Химия: Усманова М. Б., Сақариянова Қ. Н. Жалпы білім беретін мектептің 9-сыныбына арналған оқулық, 2-басылымы, өңделген, толықтырылған. - Алматы: Атамұра, 2009. - 288 бет. ISBN 9965-34-929-0

[1]

[2]