Көкөніс консервісі

Көкөніс консервісі. Табиғи көкөніс консервілерін жаңа жиналған көкөністен дайындайды, оған дәмін келтіру үшін судан басқа, аздап тұз және қант қосады. Бұл консервілерге көкөністің жас иісі мен дәмі, ең бастысы бойындағы витамині жақсы сақталады. Әдетте бұл консервілердің таза салмағының 60—65%-і көкөніс, ал 35—40%-і көкөністен шығатын қант, минерал тұздары, қышқыл, сонымен бірге С витеминдерінен құралған сұйық болады; сондықтан табиғи көкөніс консервісінің сұйығын сопроға, боршқа т.б. тағамдарға қосуға болады.