Мал тұқымын сынау

Мал тұқымын сынау - бірнеше мал тұқымына бір-бірімен салыстырмалы түрде баға беру. Мал тұқымын сынауды жүргізудің мақсаты нақтылы бір өңірдің жер-жағдайына, ауа райына жақсы бейімделіп, жоғары сапалы мол өнім беретін мал тұқымын таңдап алу. Мал тұқымын сынауды жүргізудің ғылым мен тәжірибе қабылдап бекіткен әдістемелік нұсқауы бар. Оның сынаққа түсетін мал тұқымы өкілдерінің жыныс-жасы, саны жеткілікті мөлшерде бірдей, бір табында бағып-күтіліп, түліктің түріне сәйкес қажетті үзақ мерзімде бақылауда болу сияқты негізгі алғы шарттарын бұлжытпай орындау мал тұқымын сынаудағы баға әділдігінің кепілі.