Ми жабыны

Ми жабыны (мозговой плащ); (лат. pallium - ми жабыны) — жоғары дәрежелі жүйкелік орталықтар орналасқан мидың сыртқы қабығы. Ми жабынының сыртқы беті сайлар, саңылаулар, қатпарлар түзетін сұрзаттан құралған. Оны ми қыртысы деп атайды. Ми қыртысының астында ақзат орналасады. Ақзат өткізгіш жолдардан тұрады. Ми жабыны — шүйде, төбе, маңдай, самай аймақтарына бөлінеді. Бүлар бір-бірінен нейроциттердің орналасуымен (цитоархитектоникасымен), санымен, пішінімен және талшықтардың орналасу тәртібімен (миелоархитектоника) ерекшелінеді.