Мұхтар Керімқұлұлы Смағұлов

Мұхтар Керімқұлұлы Смағұлов 1961 жылы 2 қазанда Алматы облысы Іле ауданның Николаевка ауылында туған. Қазақ. Әкесі - Смағүлов Керімқұл (1924-2007), мектеп директоры болған. Анасы - Шамболова Қапиза (1930-1992), мұғалім болып жұмыс істеген. Әл-Фараби атындағы Қазақ мемлекеттік университетінің заң факультетін бітірген (1992), заңгер. Қазақ және орыс тілдерін біледі. 1979 жылдан - Алматы облысы Іле ауданының «Жөндеуқұрылыстехника» өндірістік бірлестігінің автобазасында 1-ші дәрежелі слесарь. 1979 жылдан - Кеңес Әскерінің қатарында қызметте. 1982 жылдан - Алматы қаласы Калинин аудандық сотында сот мәжілісінің хатшысы, сот орындаушысы, шағымдар жөніндегі консультант міндеттерін атқарушы. 1992 жылдан - ҚР Әділет министрлігінің сот органдары мен сот-сараптама мекемелері басқармасының аға консультанты, 1-ші дәрежелі консультанты, жетекші консультанты. 1993 жылдан - ҚР Жоғары төрелік сотының ұйымдастыру-кадр бөлімінің аға консультанты. 1994 жылдан - Алматы қаласы төрелік сотының мемлекеттік төрешісі, судьясы. 1995 жылдан - Алматы қалалық сотының судьясы. 1996 жылдан - Апматы қалалық сотының шаруашылық істер жөніндегі алқасының төрағасы, судьясы. 2002 жылдан - Маңғыстау облыстық сотының төрағасы. 2007 жылдан бері - Батыс Қазақстан облыстық сотының төрағасы. «Қазақстан Конституциясына 10 жыл» мерейтой медалімен марапатталған (2005).

• Діни көзқарасы - атеист.
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Әлемнің бәсекеге қабілетті 50 елінің қатарына қосылу».
• Хоббиі - тау шаңғысы.
• Сүйіп оқитын әдебиеті - детективтер, фантастика.
• Үйленген. Жұбайы - Смағұлова Рымды (1964 жылы туған)
• Ұлдары - Данияр (1986 жылы туған), Олжас (1989 жылы туған).