Оңтүстік қазақ мериносы

Оңтүстік қазақ мериносы - жүн, ет өндіру бағытында өсірілетін биязы жүнді қой тұқымы. Жаңа тұқым ретінде 1970 ж. қабылданды. Қылшық жүңді казақы саулықтарды Кавказ, Ставрополь, Алтай, Совет мериносы, Грозный тұқымдарының қошқарларымен будандастыру арқылы шығарылған. Қазақстанның оңтүстік аймағында жайылымда бағып өсіруге жақсы бейімделген. Қошқарлары - 90-115 кг, саулықтары - 50-55 кг тартады. Қошқарынан - 10-12 кг, саулығынан - 4-4,5 кг жүн қырқылады. Таза жүн шығымы - 48-50 %. Жүнінің ұзындығы - 8-8,5 см, биязылығы - 64 сапа. Оңтүстік қазақ мериносының таңдаулы отарлары Оңтүстік Қазақстан облысының "Күйік", Жамбыл облысының "Мерке" асыл тұқымды қой зауыттарында өсіріледі.