Полигалит

Полигалит (поли... және hals — тұз) — сульфаттар класына жататын минерал, сулы сульфат. Хим. формуласы — K₂Ca₂Mg[SO₄]42H₂O. Хим. құрамы: K₂O — 15,62%; CaO — 18,60%; MgO — 6,69%; SO₃ — 53,11%; H₂O — 5,98%. Триклиндік сингонияда кристалданады. Жеке кристалдары жапырақша, таяқша, ұзынша пластинка тәрізденіп, минералды агрегаттары тарамдалған талшық, түйірлі тығыз масса түрінде болады. Түсі сұрғылт, сарғыш реңді ақ, алқызыл, кірпіштей қызыл, шыныдай жылтыр, морт. Қаттылығы Моос шкаласы бойынша 2,5 — 3,5, тығыздығы 2,72 — 2,78 г/см3. Түзілуі шөгінді, хемогенді. Полигалит — теңіз су қоймасындағы сульфаттық галогенездің өнімі. Оның ірі кендері АҚШ-та (Техас), Австрияда (Ишли), Германияда, Қазақстанда Ақтөбе обл-ндағы Жылан калий тұзы кендерінен, Атырау, Батыс Қазақстан облыстарының тұз күмбездерінен табылды. Полигалиттен калийлі минералдық тыңайтқышы дайындалады.

Пайдаланылған әдебиет өңдеу

“Қазақ Энциклопедиясы”, VII-том

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.