Пышақшытөбе
Пышақшытөбе – орта ғасырдағы шағын қаланың орны.
Географиялық орны өңдеу
Түркістан облысы Отырар ауданы Темір стансасының оңтүстік-батыс жағында 11 км жерде орналасқан.
Зерттелуі өңдеу
1947 жылы Оңтүстік Қазақстан археологиялық экспедициясы (жетекшісі А.Н. Бернштам), 1969-1970 жылдары Оңтүстік Қазақстан кешенді археологиялық экспедициясы (жетекшісі К. Ақышев) зерттеген.
Сипаты өңдеу
Аумағы батыстан шығысқа қарай 138 м, солтүстіктен оңтүстікке қарай 110 м. Басқа жағына қарағанда батыс жағы аласа, тік бұрышты, биіктігі 7,5 м. Шығыс жағының биіктігі 11,5 м. Алаңның төңірегінде топырақ төмпешіктің ізі бар. 1949 жылы экспедиция батыс алаңның шығыс жағының орта шенінің үш қабатын қазды. Екінші қабатынан қабырғаға қаланған шикі кірпіш, қыш ыдыстардың сынықтары табылды. Қазба барысында табылған материалдарға қарағанда, қалашықта тұрғындар 6–10 ғасырларда өмір сүрген.[1][2][3]
Дереккөздер өңдеу
- ↑ "Қазақ энциклопедиясы"
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ Қ18 Қазақстан ғылымы: Энциклопедия./ Бас.ред. Б.Ө. Жақып. – Алматы: "Қазақ энциклопедиясы" ЖШС, 2010. Т.2.– 544 бет. ISBN 9965-893-30-1