Рамбулье

Рамбулье — етті, биязы жүнді қой тұқымының бір тобы. Рамбулье тұқымы Испаниядан әкелінген мериностың әр типін будандастыру арқылы 19 ғ-дың ортасында Францияда шығарылған. Р-нің сүйек бітімі мықты, ірі, тез жетілгіш, етті, жүн талшығы ұзын, қалың әрі салалы. Қошқарының салм. 80 — 90 кг, саулығы 50 — 60 кг. Жүн талшығының ұзындығы 6 — 7 см, жіңішкелігі 64 — 70 сапа. Іошқарынан 8 — 10, саулығынан 5 — 7 кг жүн қырқылады. Рамбулье Германияға, Австралияға, АҚШ-қа, Оңтүстік Америкаға апарылған. Рамбулье алтай, кавказ, кавказ, ставрополь, сальск тұқымдарын, Қазақстанда қазақтың арқар мериносын шығаруға пайдаланылды.