Сайлау комиссиясы

Сайлау комиссиясы — сайлауды ұйымдастырып, өткізуші алқалы орган. Сайлау комиссиясының құрамы, өкілеттігі, құрылу тәртібі әр елде әр түрлі. Қазақстанда орталық, аумақтық, округтік, учаскелік комиссиялар біртұтас сайлау комиссиясы жүйесін құрайды. Өкілеттік мерзімдері 5 жыл және олардың қызметін тұрақты мемлекеттік орган — Орталық сайлау комиссиясы басқарады. Орталық cайлау комиссиясының төрағасын, хатшысын және мүшелерін ҚР Президентінің ұсынысымен Мәжіліс, ал басқа комиссияларды тиісті мәслихаттар сайлайды. Сайлау комиссиясын құратын органдар оның өкілеттігі мерзімінің ішінде құрамын өзгерте алады. Сайлау комиссиясының өкілеттігі құрған органның немесе жоғары тұрған сайлау комиссиясының ұсынысы бойынша сот шешімімен тоқтатылады.