Сакстер

Сакстер — герман тайпаларының бірі. Алғашқыда қазіргі Германияның Шлезвиг аймағында өмір сүрген. Батыс Рим империясы тұсында қарақшылықпен айналысатын тайпа ретінде аты шықты. 5 ғасырда римдіктер Британиядан өз әскерлерін алып кеткен кезде, сакстердің бір бөлігі келесі бір герман тайпасы — англдармен бірге Британ аралдарына келіп, тұрақты қоныстанып қалды. 6 ғасырда сакстер Оңтүстік Англияда Эссекс, Уэссекс, Сассекс деп аталатын бірнеше корольдіктер құрды. Уэссекс осылардың ішіндегі ең құдіреттісіне айналып, басқаларын өзіне қосып алды. 871 — 899 ж. Уэссекстің королі Ұлы Альфред болды. Англдер мен сакстер қазіргі ағылшын ұлтының негізін қалады. Олар ағылшын тілі мен мәдениетінің әртүрлі аспектілеріне үлкен ықпал етті. Саксондардың атауынан Германиядағы тарихи аймақтың атауы - Саксония (қазіргі уақытта бұл Германияның Төменгі Саксония, Саксония-Анхальт және Саксония еркін мемлекеті) атауы шықты. Британ аралында англдар және утестермен бірге саксондар ағылшын этносының қалыптасуына қатысты. Германияда қалған сакстер 9 ғасырда Саксония герцогтігін құрды. Кейіннен бұл аймақ біртұтас Германияның құрамына кіріп, қазіргі неміс ұлтын қалыптастырды.

Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.