Самыр (лат.Bombycilla garrulus) — торғайтәрізділер отрядына жататын құс. Дене тұрқы 15 — 18 см, аяғы қысқа. Жұмсақ, тығыз қауырсындары қоңыр-сұр түсті, басында айдары болады. Әуеде жылдам ұшады, жерде жақсы жүреді. Самырлар негізінен жыл құсы, кей жылдары қыстап та қалады. Қылқан жапырақты және аралас ормандарда тіршілік етеді. Ұясын ағаш басына салады, онда 3 — 5 жұмыртқа болады. Жұмыртқаларын 14 күндей басады. Қорегі — жидек, ұсақ жемістер, сондай-ақ, жәндіктерді (масалар, көбелектер, жылғалықтар) ұшып жүріп, қағып алып жейді.[2]