Сырбүріккіш

Сырбүріккіш (электрлі) Металдан, пластмассадан, ағаштан және басқа материалдардан жасалған бұйымдардың жалпақ және бедерлі беттерін сырлауға немесе лактауға (жұмыс көлемі шағын болған жағдайда), сондай-ақ үй-жайларды әр түрлі сұйықтармен және экстрактылармен ылғалдандыруға және бүркуге арналған.

Сипаттама

Cырбүріккіш соплосы бар насостан, электр вибратордан (насосты іске қосатын) және сұйықтық құйылатын құтыдан тұрады. Насос пен вибратор пластамасса корпусқа орнатылған, оның төменгі жағынан бұрандамен құты бекітіледі; сырбүріккішті іске қосқанда және ажыратқанда, тапанша сияқты ұстағыш тұтқаға орнатылған кнопканы басады.

Іске қосу

Приборды іске қосқанда насос әуелі құтыдан сұйықтықты сорып алады да, оны соплоның тесігі арқылы күшпен қысып шығарады; сонда сұйықтық соплодан шыққанда бүркіліп, оның өте ұсақ тамшыларынан «жалын» түзіледі. Сұйықтыңтың аз не көп шығуы және жалынның ені прибордың корпусына орнатылған бүрку тұтқасын айналдыру арқылы реттеледі.

Қолданылуы

Сырбүріккішпен істелген жұмыстың тиімділігі мен лак-сыр қаптамның сапасы көбіне-көп бүркілетін сұйықтықтың таза болуына және тұтқырлығына байланысты, сондықтан да сырлы не лакты қолданар алдында әбден араластырып, одан кейін металл яки дәке сүзгіден өткізіп алу керек.Сұйықтықтың тұтқырлығын анықтаудың қарапайым әдісі—тамшының тамуын қадағалау; соңғы тамшылар өте сұйық болмауы керек. Су мен еріткіштердің тұтқырлығы болмашы ғана, сондықтан оларды қосымша өңдемей(сұйылтпай) қолдана беруге болады.Бүріккіш согогоға немесе насосқа қоқым тұрып қалса, оның тесігін тазалап, одан кейін құтыны, насосты бөлек алып, еріткішпен мұқият жуу керек.

Қуаттылығы

Прибор 220 В айнымалы ток желісіне қосуға арналған; тұтынатын қуаты 90 Вт.