Сұрқарлығаштәрізділер

Отрядтағы біріне-бірі ұқсамайтын құстардың екі тобы 400-ге тарта түрден құралады. Олардың бір тобы-колибри-Оңтүстік және Солтүстік Америкада ғана мекендейді, екінші тобы-сұрқарлығаштар-бүкіл жер шарынан кездестіруге болады. Бірақ бұлардың барлығы бірдей мекенжай төңірегінен табыла бермейді. Сұрқарлығаш қарлығашқа ұқсас,бірақ мұның құйрығы айыр емес және тіршілік әрекетінде ерекшеліктер көп. Жер шарында мекендейтін 58 түрлі сұрқарлығаштардың Қазақстанда 4 түрі кездеседі. Солардың ішінде мекенжайды төңіректейтіні- қара сұрқарлығаш. Бұл һте ұшқыр құс, сағатына 170 шақырым қашықтыққа самғай алады. Ұшып жүрген бунақденелілерді ұшып жүріп қағып жейді және өмір бойы ұшумен болады. Бұлар аспанда жұптасып, аспанда ұшып жүріп ұйықтайтын көрінеді, жерге қонбайды, үй қабырғасындағы бұдырларға тырнақты өткір саусақтарымен жармасады. Қазақстанның оңтүстік аудандарында кездесетін ақбел сұрқарлығаш мекенжайды төңіректеп тіршілік етеді.

Дереккөздер

• Қ.Қайым,Б.Муханов,Р.Сәтімбекұлы,М.Шаймарданқызы, "Жануартану"(1998), 202б., ISBN 5-625-03599-7