Сәбит Құрманбеков

Сәбит Құрманбеков (1960 жылы 1 қыркүйекте Талдықорған облысы Қарабұлақ ауданы Шұбар ауылында туған) – Қазақстан режиссері және қоюшы суретшісі.

Сәбит Құрманбеков
Жалпы мағлұмат
Туған күні	1 қыркүйек 1960 (1960-09-01) (63 жас)
Туған жері	Шұбар, Кербұлақ ауданы, Талдықорған облысы, Қазақ КСР
Азаматтығы	Қазақстан  КСРО (1960-1991)
Мамандығы	режиссёр, суретші
Бағыты	драма

Өмірбаяны

1960 жылы 1 қыркүйекте Талдықорған облысы Қарабұлақ ауданы Шұбар ауылында туған. Қазақ.

Анасы - Құрманбекова Сексенбала, зейнеткер, мұғалім болып жұмыс істеген.

Бүкілодақтық мемлекеттік кинематография институтының көркемөнер факультетін (Мәскеу қаласы , 1990), кино және телевидение қоюшы-суретшісі; С. Соловьевтің курсын бітірген.

1980 жылдан - «Өнер» Алматы көркемөнер комбинатының безендіруші-суретшісі.

1986 жылдан - Ш. Айманов атындағы «Қазақфильм» Республикалық шығармашылық-өндірістік бірлестігінің фильмдерін түсіруге қатысқан.

1990 жылдан бері - Ш. Айманов атындағы «Қазақфильм» республикалық шығармашылық-өндірістік бірлестігінің (қазіргі - Ш. Айманов атындағы «Қазақфильм» АҚ) қоюшы суретшісі.

Шығармашылығы

«Рисуя, играя, снимая...» кітабының авторы (2000).

«Полторы штуки» (1987), «Соңғы аялдама» (1989), «Сұржекей - Өлім періштесі» (1991), «Кардиограмма» (1995), «Ақсуат» (1998), «Три брата» (2000) және тағы басқа фильмдердің қоюшы суретшісі. «Соңғы көш» деректі фильмінің режиссері (М. Мусинмен бірге, 1999).

Марапаттары мен жетістіктері

Қазақ және орыс тілдерін біледі.

ҚР Кинематографистері одағының мүшесі (1992 жылдан).

Әскери атағы - аға сержант.

Жеке өмірі

Діни көзқарасы - пәрменсіз атеист.

Саяси қайраткер ретінде идеалы - Абылай хан, Д. Сяопин.

Қазақстанның болашағы туралы болжамы - «Үміттендіреді. Парламенттік басқару. Сену оңай емес, дегенмен, жемқорлық жойылады».

Хоббиі - қыл қалам туындылары, сызба, деректі кинофильм.

Сүйіп оқитын әдебиеті - классика, тарихи романдар, тарих.

Үйленген. Жұбайы - Құрманбекова Мағрипа Сәкенқызы (1967 жылы туған), үй шаруасымен айналысады. Ұлдары - Құрманбеков Құрманғазы (1994 жылы туған), Құрманбеков Әділет (1998 жылы туған); қызы - Құрманбекова Алуа (2004 жылы туған).