Таудағы дайындық

Таудағы дайындық — әскерлерді тауда ұрыс қимылдарын жүргізуге үйрету.

Ол таудағы оқу орталықтарындағы тактикалық ату, инженерлік дайындық, дене шынықтыру сабақтарында өткізіледі. Олардың объектілері (тактикалық жаттығу алқаптары, ату қалашықтары, танкодромдары) таулы, бедерлі жер учаскесіне жабдықталады.

Жеке құрамның жалпы дене шынықтыру дайындығы, таудағы қозғалыстын негізгі тәсілдеріне үйрету үшін таулы спорт қалашықтары жабдықталады, онда тік жартастарға көтерілу және олардан түсу әдістері, сақтандыру тәсілдері, байламда жүруге, таулы өзендерден өтуге жаттықтырылады.

Таудағы дайындық негіздерін игергеннен кейін ұрыстық атыспен тактикалық (арнайытактикалық) жаттығулар жүргізіледі. Оларда жеке құрам таулы жолдармен марш жасауға, тауда шабуыл және қорғаныс қимылдарын жүргізуге үйренеді.[1]

Дереккөздер өңдеу

  1. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001