Тері қатпарлығы

Тері қатпарлығы - қой дене терісінің көзге көрініп, көлденең қыртыстанып тұруы. Әдетте мойын терісінің қатпары шеңберленген ірі, ал тұла бойыңда тері қыртысы ұсақ болады. Тері қатпарлығы биязы жүнді қойларды іріктеп жүн тандағанда аса мән беріліп сұрыпталатын белгілерінің бірі. Тері қатпарлығы мен қойдың дене бітімі, жүнінің қоюлығы мен ұзыңдығы, ірілігі арасында тығыз байланыс бар. Тері қатпарлығы тым дамыған қой ұсақ, жүні тығыз болғанымен өте қысқа, шайыры көп, күйреуік, осал келеді. Тері қатпарлығы әр түрлі биязы жүнді қой тұқымдарының өнім бағыты мен өскен ортасына сәйкес ұнамды болады. Тері қатпарлығы дәрежесін қой тұқымдарын асылдандыру барысында қоршаған орта жағдайы мен өнім бағытына сәйкестендіріп өзгертіп отырады.