Тюнер

Тюнер — ұзын (ДВ), орташа (СВ), қысқа (КВ) және ультрақысқа (УКВ) толқын диапазондарындағы модуляция жиілігі мен амплитудасы бар стереофонды және монофонды радиохабарды қабылдауға (жазуды немесе дауысты тыңдауды) арналған радиоқабылдау құрылғысы. Радиопрограмманы жазу үшін тюнерді магнитофонға, жекелей тыңдау үшін оны стереоқұлақілдірікке, ал қатты дауысты тыңдау үшін акустикалық жүйе комплектісіндегі дыбыстық жиілік күшейткішіне қосады. Тюнердің кейбір модельдерін төмен жиілікті күшейткіштермен (тюнер-күшейткіштер) қоса жасап шығарады. Тюнерлер сауда орындарына жеке құрылғы түрінде және стереокомплекс құрамында түседі.