Уайс Амандықұлы Бектібаев

Уайс Амандықұлы Бектібаев 1957 жылы 11 қаңтарда Қызылорда облысы Жалағаш ауданының 4-ші разъезінде туған. Қазақ.

• В.И. Ленин атындағы Қазақ политехникалық институтының тау-кен факультетін бітірген (1983), маркшейдер. Қазақ, орыс және ағылшын (сөздікпен) тілдерін біледі.
• 1974 жылдан - «Қызылордаауылқұрылыс» тресінің ЖМК-1605 жұмысшысы. 1975 жылдан - Кеңес Әскерінің қатарында қызметте. 1977 жылдың мамырынан - «Қызылордаауылқұрылыс» тресінің ЖМК-1605 тас қалаушысы. 1977 жылдың тамызынан - Алматы үй құрылысы комбинатының темір-бетон бұйымдарының фрезерлеушісі. 1978 жылдан - В.И. Ленин атындағы Қазақ политехникалық институтының студенті. 1983 жылдың қазанынан – ҚазКСР Құрылыс материалдары өнеркәсібі министрлігі Қазақ тау-кен геологиялық экспедициясы ЖМК қада қоюшысы (Алматы қ.). 1983 жылдың желтоқсанынан - «Алтын шахта өткелі» тресінің Шалқия шахта өткелі басқармасының учаскелік маркшейдері, бас маркшейдері (Кентау қ.). 1998 жылдан - «Отырар» АҚ Шахта құрылысы басқармасының учаскелік маркшейдері, бас маркшейдері (Кентау қ.). 2002 жылдан - «Оңтүстікқазқойнау» серіктестік басқармасы Қызылорда аймақтық инспекциясының аға маркшейдері. 2003 жылдан - Қызылорда қ. «Оңтүстікқазқойнау» СБ Қызылорда аймақтық инспекциясының бас маркшейдері. 2007 жылдан - «Оңтүстікқазқойнау» СБ Алматы аймақтық инспекциясының бас маркшейдері. 2009 жылдың қазанынан бері - ҚР Индустрия және жаңа технологиялар министрлігі Геология және қойнауларды пайдалану комитеті Оңтүстік Қазақстан аймақаралық «Оңтүстікқазқойнау» геология және қойнауларды пайдалану департаменті Алматы аймақтық инспекциясының бастығы.
• Әскери атағы - отставкадағы сержант. Діни көзқарасы - мұсылман. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан дүниежүзінің алдыңғы қатарлы 50 елінінің ішінде болады». Хоббиі - оқу, спорт. Сүйіп оқитын әдебиеті - көркем әдебиет.
• Үйленген. Жұбайы - Бектібаева Сақыпжамал Әлібекқызы (1958 ж. т.), Алматы қаласы Бостандық ауданы АХАЖ жетекші маманы. Ұлдары -Уайсұлы Нұрсұлтан (1986 ж. т.); Уайсұлы Нұрасыл (1987 ж. т.).

Уайс Амандықұлы Бектібаев
Туған күні	11 қаңтар
Туған жері	1957 жыл
Ұлты	Қазақ
Әкесі	Амандық