Хлорпикрин
Хлорпикрин, үшхлорнитрометан, CCl3NO2 — майлар қатарына жататын органикалық қосылыс, фумигант. Май тәрізді, түссіз немесе сарғыштау, тұншықтырғыш өткір иісті зат, балқу t –64С, қайнау t 112,3С, суда ерімейді, органикалық еріткіштерде жақсы ериді. Пикрин қышқылы мен оның тұздарын хлорлау арқылы алады. Ылғалды ортада металды коррозияға ұшыратады. Хлорпикрин тұқым қоймаларын, диірмен, жарма заттарын, элеваторларды (15 — 25 г/м3), астық, бұршақ, темекі және мақта тұқымдарын (25 — 30 г/м3) дезинфекциялауға, зорманға қарсы (бір інге 3 — 6 г), топырақты картоп ауруларынан залалсыздандыруға (400 — 500 г/м3) пайдаланылады. Хлорпикрин улы және организмге әсері күшті болғандықтан, пайдалану кезінде тыныс органдарын қорғау қажет. Хлорпикрин кейбір тұқымдардың (бидай, арпа, сұлы) көктеуін кемітетіндіктен, оларды залалсыздандыруға қолданылмайды.[1]
Сілтемелер өңдеу
- ↑ "Қазақ Энциклопедиясы", 9 том
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
| Бұл мақаланы Уикипедия сапа талаптарына лайықты болуы үшін уикилендіру қажет. |