Холмогор сиыры

Холмогор сиыры — сүтті тұқым. Жергілікті сиыр тұқымын іріктеу арқылы Ресей жерінде шығарылған. Холмогор сиыры тұқымын жақсарту үшін голландсиырының гендік қоры пайдаланған. Дене бітімі мықты, еті тығыз, терісі жұқа, басы шағын, тұмсығы сүйір, тұрқы ұзын. Түсі — қара ала, қызыл ала, қызыл, қара, ақ. Орташа өлшемдері (сантиметр): шоқтығына дейінгі биікт. 128 — 124, кеуде орамы 180 — 200, қиғаш өлшегендегі тұрқы 160 — 165, жіліншік орамы 18 — 19. Орта есеппен бұқасының салмағы 800 — 900 килограмм, таңдаулысы 1200 килограмм, сиыры 480 — 540 килограмм, таңдаулысы 700 килограмм. Бұзауы тез жетілгіш. Орта есеппен әр сиырдан жылына 2500 — 3000 литр сүт сауылады. Сүтінің майлылығы 3,8 — 4%, таңдаулысы 5%. Холмогор сиыры қатаң ауа райы жағдайына көнбіс, тез жерсінеді.